Pouki sé lè 28 Oktob dat lasa lé péyi chwazi fété lang kréyòl-la dan lè Mond ?

28 OKTÒB 1981 (Vieux Port à Sainte-Lucie) lé péyi kréyolofòn sanblé é kréyé : BANNZIL KRÉYÒL
On mouvman POU ba Lang Kréyòl-la balan.

É yo woutyènn 28 OKTÒB padavwa Dominik toujou gloryé dat lasa adan on sélébwasyon yo té kriyé « Créole Day ».

Fò nou savé ni pi dè 12 Milyon Moun Ka palé kréyòl, é 8 milyon anki an Karayib-la..
Ayiti, Gwadloup, Matinik, Moris, Séchèl, Dominik, Sentlisi, Bawbad, Trinidad, Lwizyann, Giyan, Réyinyon, Kiba, Diaspora an Fwans, Etazini, Anglètè é Kanada !!!

1975 Kréyasyon a GEREC

28 OKTOB 1983 Pwèmyé jouné entènasyonal a lang Kréyòl toupatou dan lè Mond..

1987 Pwèmyé jouné kréyòl an Fwans SLAK (Sanblaj Lantou Kréyòl) èvè lé asosiasyon UTEG, AGEG, ADPMG, Radyo Mango, OCMF, ACAG, ACSC………

LÉ ZANNÉ 90-2000:
Sosyété Eritaj rivé èvè Toni MANGO é nou kontinyé fè travay-la isidan an Fwans.

Toni mango pwèmyé pwofésè an lang kréyòl ki menné-y o Bak.

Pwèmyé dikté kréyòl asi on radyo Média Tropical, émisyon Fétou Karayib èvè Joni GREY, Nadège OUANA é Kolen SERIN.

Lé asosyasyon an Fwans ka owganizé Dikté kréyòl.

É nou ka kontinyé Goumé èvè Bouyon kiltirèl-la, sèl émisyon asi Espacefm an lang kréyòl jòdijou.

Mèsi Dom TAULIOT pou Timoun annou, pou jénérasyon-la ki ka vini-la.
Pou lang kréyòl pa disparèt…

Mèsi PAPA YAYA GÉRARD LAURIETTE , Ektò POULLET, Sylvyan’ TELCHID, Térèz LÉOTIN, Yvon BISSOL, Jean BERNABE, Rafael CONFIANT, Daniel BOUKMAN, BENZO, Jean JURAVER, Alain RUTIL, Tony MANGO, Laurent FARRUGIA, FAWAKA, Dany BEBEL GISLER, Max RIPPON, Sonia CATALAN, M-Rose LAFLEUR, Gilbert GRATIANT, Soni RUPAIRE….!!!!!!!!!!

Ésé lala non a yo pa maké pon koté ka fè viv lang Kréyòl la.

ONÈ É RÈSPÈ…

Kolen Serin